Allir leikmenn Íslands sem eru mættir í verkefni gegn Frakklandi í undankeppni EM, eru leikfærir á morgun.
,,,,Það eru ekki nein meiðsli, það æfðu allir í gær og ég á von á því í dag. Það eru ekki nein meiðsli,“ sagði Erik Hamren um ástand leikmanna í dag.
Um er að ræða leik í undankeppni en á mánudag í næstu viku er svo heimaleikur gegn Andorra.
Íslenska liðið fékk smá skell gegn Frakklandi á útivelli en þar spilaði Erik Hamren 3-5-2 kerfið. Ekki er líklegt að hann fari í það aftur.
Erfitt er að lesa í liðsval Hamren en Birkir Bjarnason og Emil Hallfreðsson eru án félags, fjarvera Arons Einars Gunnarssonar flækir stöðuna á miðsvæðinu.
Í fyrsta sinn lengi eru Alfreð Finnbogason, Kolbeinn Sigþórsson og Jón Daði Böðvarsson allir við hestaheilsu. Það er okkar mat að Hamren setji Alfreð á bekkinn gegn Frakklandi en byrji honum svo líklega gegn Andorra.
Verður liðið svona?
