Sjónvarpskonan og plötusnúðurinn Ashley James segir að hún hafi verið látin sitja eftir í skóla vegna brjóstastærðar sinnar.
Hún opnar sig um atvikið í hlaðvarpinu White Wine Question Time með Kate Thornton. Fabulous Digital greinir frá.
„Ég var látin sitja eftir því ég knúsaði bróður minn fyrir utan skólann. Kennararnir sögðu: „Mun fólkið í bænum vita að hann er bróðir þinn og hvað munu þau hugsa þegar það er ljóshærð stelpa með stór brjóst að knúsast í stráki fyrir utan?““ Segir Ashley.
https://www.instagram.com/p/B13YZZyhVAT/
„Það var alltaf efast um mitt siðferði, meira að segja kennararnir. Það var alltaf komið fram við mig eins og ég myndi vera með litla siðferðiskennd því ég væri með stór brjóst og allt. Það var alltaf látið mér líða eins og ég ætti að skammast mín.“
Ashley segir að brjóst hennar stækkuðu mikið þegar hún var fjórtán ára og þá byrjuðu strákarnir í skólanum að segja ljóta hluti við hana.
„Strákarnir komu til mín og sögðu alla þessa ógeðslegu hluti við mig, en í stað þess að kennararnir leiðréttu hegðun drengjanna, þá sögðu þeir við mig að ég mætti ekki vera í „þessum“ fötum. En vinkonur mínar máttu klæðast þessum nákvæmlega sömu fötum,“ segir Ashley.
https://www.instagram.com/p/B2RYdNUhbL2/
„Fyrir fjórtán ára stelpu er þetta rosalega ruglandi því ég var alveg: „Bíddu af hverju má ég ekki?“ Áður en ég var kynferðisleg (e. sexual) þá komu kennararnir fram við mig eins og ég væri kynferðislega virk og mér finnst það klikkun. Þegar ég horfi til baka þá sé ég að það var verið að refsa mér fyrir líkama minn.“
Ashley segir að þetta hafi haft mikil áhrif á hana og henni fannst hún þurfa að fara eftir öðrum reglum en aðrar stelpur.
„Ég byrjaði að hugsa að ef mig langaði að fólk tæki mig alvarlega þá þyrfti ég að hylja líkama minn og ekki mála mig. Ég notaði gleraugu og ég þurfti ekki einu sinni gleraugu. Hversu fáránlegt er það? Ég gerði það bara því ég vildi að ég yrði tekin alvarlega.“