Kærustuparið Margrét Erla Maack og Tómas Steindórsson eiga von á sínu fyrsta barni saman hvað úr hverju. Margrét og Tómas eru búin að vera saman í rúm tvö ár og hamingjan geislar af þeim. Því ákvað DV að lesa í stjörnuspekina og sjá hvernig tilvonandi foreldrarnir eiga saman.
Það er gaman að segja frá því að Margrét og Tómas eiga afmæli með eins dags millibili og eru bæði í stjörnumerki nautsins. Þegar tvö naut koma saman í ástarsambandi er sambandið munúðarfullt og stabílt – eitthvað sem nautin dýrka. Naut leggja nefnilega mikið upp úr kynlífi og öryggi, sem og einkvæni, góðum mat og alls kyns öðrum nautnum lífsins. Þegar tvö naut fella hugi saman getur það samband hæglega enst ævina á enda.
Naut virða langanir annarra nauta og reyna sitt besta til að uppfylla allar þeirrar þrár og drauma. Margrét og Tómas eru bæði mjög heillandi, sjarmerandi og þokkafull að eðlisfari en geta hins vegar verið mjög þrjósk og liggja ekki á skoðunum sínum. Þá er einnig hætta á að afbrýðisemi sé mikil hjá nautum.
Margrét og Tómas þurfa að læra að vera sammála um að vera ósammála og gera sér grein fyrir að þetta samband sé of gott til að kasta því fyrir róða út af smávægilegu rifrildi og skoðanaskiptum. Þegar tvö naut koma saman heimta þau einkvæni og það kemur nautum ekkert meira í uppnám en framhjáhald. Hins vegar er það afar sjaldgæft þegar tvö naut koma saman þar sem þau eru svo áreiðanleg, staðföst og umfram allt, elska maka sinn alltof mikið til að rústa því öryggi og hlýju sem hann veitir.
Margrét
Fædd: 25. apríl 1984
-þolinmóð
-áreiðanleg
-traust
-ábyrg
-þrjósk
-þolir ekki breytingar án fyrirvara
Tómas
Fæddur: 24. apríl 1991
-tryggur
-praktískur
-flippaður
-stöðugur
-ekki til í málamiðlanir
-þrjóskur