Greta Salómé deildi á Facebook harðri gagnrýni sem hún hafði hlotið á samfélagsmiðlum fyrir birtingu á sakleysislegri ræktarmynd. Maður hafði í athugasemd sakað hana um að ýta undir lystarstol.
„Myndbirting eins og þessi ýtir undir lystarstol hjá unglingum sem er lífshættulegt. Er ekki nóg fyrir þig að hafa bara spegilinn?“
Greta Salóme lét þó ekki slá sig út af laginu og svaraði gagnrýninni fullum hálsi.
„Birting á kommenti eins og þessu ýtir undir lystina hjá mér að rækta líkamann minn, heilsu og styrk líkamlega og andlega og sýna einmitt unglingsstelpum að við þurfum ekki að hlusta á karla eins og þig segja okkur hvernig við eigum að líta út eða hvað við megum birta.“
Hún vakti svo athygli á þessum orðaskiptum á Facebook þar sem hún sagðist alveg elska það þegar karlmenn segja henni hvað hún má og ekki má birta á eigin miðli.
