Nýlega var Fjölmenningardagur Reykjavíkurborgar 2017 haldinn hátíðlegur í Hörpu. Var þetta í níunda sinn sem haldið er upp á daginn. Hófst dagurinn við Hallgrímskirkju þar sem borgarstjóri, Dagur B. Eggertsson, setti Fjölmenningardaginn og síðan tók við skrúðganga niður að Hörpu.
Harpa iðaði síðan af lífi fram eftir degi, þar sem boðið var upp á skemmtidagskrá og flóamarkað. Ljóst er að Fjölmenningardagur er löngu kominn til að vera í menningar- og viðburðadagskrá Reykjavíkurborgar.
Japan Fjöldi barna gekk fyrir Japan.
Víetnam Ég elska Víetnam stóð á bolum þeirra sem kynntu Víetnam á Fjölmenningardeginum.
Kína Dreki er jafnan með í göngunni.
Taíland Konurnar frá Taílandi stigu dans fyrir utan Hörpu.
Víetnamskur matur Það var handagangur í öskjunni í matartjaldinu.
Kökur með perúsku ívafi Hún var litrík og glæsileg daman sem bauð upp á kökur frá heimalandi sínu Perú.
Fallegar frá Víetnam Glæsilegir fulltrúar heimalandsins Víetnam.
Kólumbísk yngismær Þessi unga dama kynnti skart og fleira frá Kólumbíu.
Taíland Þær voru glaðlegar og litríkar konurnar frá Taílandi.
Vindlar frá Kúbu Helsta einkenni Kúbu, vindlarnir, voru að sjálfsögðu í Hörpu.
Ghana Fulltrúar Ghana glaðbeittar í lok skrúðgöngunnar.
Mær frá Ghana Glaðleg og gullfalleg með appelsínur í körfu.
Litríkir gripir Herramaðurinn frá Egyptalandi var með mikinn fjölda fallegra muna í Hörpu.
