Eiginmaður sem á bæði eiginkonu og kærustu, segist elska að sjá aðra karlmenn fullnægja eiginkonu sinni.
Tom og Cathy Keen hafa verið gift í sex ár og eiga saman sjö ára son. Þau búa í London með kærustu sinni, Nicole Everett. Nicole hefur verið í sambandi með hjónunum síðastliðið ár.
Í nýjum þætti fyrir UKTV, Stacey sleeps over, fer Stacey í heimsókn til þríeykisins og spjallar við þau um þetta óvenjulega sambandsform.
Falleg sjón
Yfir árin hafa hjónin verið að hitta annað fólk, „skemmt sér“ og átt sína eigin kærustu eða kærasta, en eins og er deila þau Nicole.
Þetta sambandsform er alls ekki fyrir alla en Tom segist ekki vera afbrýðisamur maður.
„Ég held að það sé algeng spurning, hvort ég verði afbrýðisamur. Ég segi alltaf að Cathy er ekki mín, ég á hana ekki, hún má gera það sem hún vill. Og sem betur fer verð ég ekki oft abrýðisamur,“ segir Tom.
Stacey spyr hann þá hvernig honum finnst að sjá „manneskjuna sem hann gjörsamlega dýrkar fá það með einhverjum öðrum.“ Tom svarar:
„Það er ótrúleg, ótrúleg sjón. Ég meina, ég er svo ofboðslega hrifinn af Cathy að þú trúir því ekki. Ég er virkilega hrifin af henni, ég kalla hana mína „80‘s pin up“. Ég elska þetta útlit. Og augljóslega, þegar við erum saman þá get ég ekki séð það, þannig þegar ég get staðið aðeins frá og séð það, þá er það falleg sjón .Ég elska það.“
Var alltaf uppreisnagjörn
Cathy segist alltaf hafa verið frekar villt. „Ég var uppreisnagjörn, ég fór snemma að heiman og hef alltaf verið mjög sjálfsstæð. Síðan var ég strippari í mörg ár. Ég byrjaði að dansa því ég var fátæk og þurfti á peningunum að halda,“ segir hún.
Cathy og Tom segja að ákvörðunin um að byrja að hitta annað fólk en vera áfram í hjónabandi hafa verið sameiginlega. Þau segja þetta hafi allt byrjað í kynlífspartíi og síðan þá hafa þau verið í opnu sambandi.
Þau hafa ekki talið hversu oft þau hafa sofið hjá öðru fólki eða verið í sambandi með öðru fólki. Tom segist aðallega vera hrifin af konum en hann hefur „leikið sér með strákum.“
„Mér finnst spennandi þegar Tom hittir einhverja nýja. Ég veit ekki af hverju. Ég hef alltaf verið svona. Ég man þegar ég var mjög ung og var skotin í strák og önnur stelpa var skotin í honum og það kveikti í mér,“ segir Cathy.
Ekki allt dans á rósum
Þrátt fyrir að hafa átt kærasta og kærustur og sofið hjá öðru fólki þá segjast hjónin vera skuldbindin hvort öðru. En þetta er þó ekki allt dans á rósum og segir Tom það hafa verið skrýtið að hjálpa Cathy að komast yfir sambandsslit.
„Einu sinni átti ég kærustu og Cathy átti kærasta, og þau hættu saman. Það er ekkert skrýtnara en að hjálpa eiginkonu þinni að komast yfir sambandsslit,“ segir Tom.
„Ég þurfti að vera sterkur fyrir hana, það var erfitt fyrir mig að sjá hana í uppnámi.“
