Davide Zappacosta, leikmaður Chelsea, hefur skrifað undir eins árs framlengingu á samningi sínum við félagið.
Þetta var staðfest í dag en Zappacosta er nú samningsbundinn Chelsea til ársins 2022.
Á sama tíma þá var tilkynnt að bakvörðurinn hafi gert lánssamning við AS Roma þar til í janúar.
Þessi 27 ára gamli leikmaður snýr aftur til Ítalíu en hann er ekki inni í myndinni hjá Frank Lampard.
Zappacosta kom til Chelsea fyrir tveimur árum síðan frá Torino.
