Steve Bruce, goðsögn Manchester United, er tekinn við Newcastle United en þetta var staðfest á dögunum.
Bruce hefur undanfarna mánuði starfað hjá Sheffield Wednesday en tekur nú að sér starf í ensku úrvalsdeildinni.
Enskir miðlar greina frá því í dag að Bruce ætli að koma í veg fyrir félagaskipti miðjumannsins Sean Longstaff.
Longstaff er 21 árs gamall miðjumaður og hefur lengi verið á óskalista United, fyrrum félags Bruce.
Bruce ætlar ekki að gera United neina greiða og ætlar að nota Longstaff í stóru hlutverki á næstu leiktíð.
