Eden Hazard var í gær kynntur sem nýr leikmaður Real Madrid en hann kemur til félagsins frá Chelsea.
Hazard er nú búinn í læknisskoðun hjá Real og var kynntur til leiks á Santiago Bernabeu.
Forseti Real, Florentino Perez, hélt þar ræðu þar sem hann bauð Hazard velkominn heim. ,,Í dag bjóðum við velkominn einn besta leikmann heims, Eden Hazard. Eden, þú ert kominn þar sem þú vildir vera. Í dag rætist draumurinn,“ sagði Perez.
Erlendir miðlar fjalla svo í dag um það að Hazard sé í raun feitur miðað við atvinnumann í knattspyrnu.
Hann virtist aðeins mjúkur þegar hann skrifaði undir hjá Real Madrid í gær.
