Adrien Rabiot, miðjumaður PSG er að ræða við nokkur félög. Samningur hans við PSG rennur út 1 júlí.
Þessi 24 ára gamli miðjumaður er orðaður við Juventus, Manchester United og fleiri lið.
Rabiot hafnaði nýjum samningi hjá PSG, sem varð til þess að hann fékk ekkert að spila.
,,Ég kann vel við Ítalíu, ég hef rætt við Juventus en get ekkert sagt. Ég veit ekki hvert ég fer,“ sagði Rabiot.
,,Manchester United er eins, ég verð að taka ákvörðun. Núna er ég í fríi en ég fer að ákveða mig.“