Erik Hamren, landsliðsþjálfari Íslands, sá sína menn vinna 2-1 sigur á Tyrkjum í undankeppni EM.
Að venju þá hélt Hamren blaðamannafund eftir sigurinn á Laugardalsvelli þar sem hann dró upp vindil eins og oft áður.
Hamren hefur gert það að vana sínum að reykja vindil eftir mikilvæga sigra en hann dró vindilinn upp á blaðamannafundinum og þefaði af honum.
Guðlaug B. Guðjónsdóttir, framkvæmdarstjóri Krabbameinsfélags höfuðborgarsvæðisins hefur ritað bréf til KSÍ þar sem hún fordæmir hegðun Hamren.
Guðlaug ræddi við Mbl.is varðandi málið og ásakar Hamren um dómgreyndarleysi.
„Ég hef ekki séð svona lagað í marga áratugi. Mér er sérstaklega misboðið þar sem KSÍ, sem eitt aðildarfélaga ÍSÍ, beitir sér sérstaklega í forvörnum,“ segir Guðlaug við Mbl.is.
„Sigurinn var dásamlegur, en að flagga því í mynd og viðtali, það finnst mér afskaplega ósmekklegt og skrítin skilaboð til barna og ungmenna sem líta mjög upp til allra þessa aðila.„
