Ástin hefur svo sannarlega fengið að blómstra í gegnum árin í Héraðsskólanum að Laugarvatni. Árin 1928–1996 var þar starfrækt hótel á sumrin og menntaskóli á veturna og var þar vafalaust til ófárra ástarsambanda stofnað. Okkar ástkæri rithöfundur, Halldór Laxness, á svo meðal annars Héraðsskólanum að þakka að hafa kynnst henni Auði sinni þar sem hún vann þar við hótelstörf á sumrin. Því má segja að þetta glæsilega hús, sem hannað var af arkitekti Íslands, Guðjóni Samúelssyni, hafi ósjaldan verið miðdepillinn í fjölmörgum ástarsögum.
Undanfarin ár hefur gistirekstur og veitingaþjónusta verið starfrækt í Héraðsskólanum allan ársins hring. Héraðsskólinn er þannig orðinn vinsæll áfangastaður elskenda úr borginni sem taka á sig stutt ferðalag um helgar til að slappa af í sveitasælunni á Laugarvatni.
Mikið úrval gistimöguleika er í Héraðsskólanum og geta gestir valið að dvelja í herbergjum með sérbaði eða með sameiginlegum baðherbergjum.
„Það er alltaf notalegt að komast úr borginni og heimsækja Bláskógabyggð“
Laugarvatn er fullkomið elskendaþorp og er svo sannarlega hægt að eyða helgi í þorpinu án þess að láta sér leiðast. Heitu laugarnar eru í göngufæri og svo er hægt að heimsækja alla þá spennandi og skemmtilegu ferðamannastaði sem finnast í Uppsveitum eins og Efstadal, Friðheima og Hellisbúana.
En það er alltaf gott að enda góðan dag með ljúffengum kvöldverði hér í gömlu skólastofunum í Héró, með gullfallegt útsýnið yfir vatnið og Heklu.
Þó svo að mikið sé um ástfangið fólk á Laugarvatni þá sækja hingað hópar allan ársins hring til þess að stunda jóga og halda vinnufundi. Í Héraðsskólanum er nefnilega að finna fullkominn jógasal og frábæra aðstöðu fyrir vinnufundi.
Nánari upplýsingar um bókanir og fleira má nálgast á vefsíðu hostelsins, heradsskolinn.is.
Héraðsskólinn er einnig áberandi á öllum samfélagsmiðlum svo sem Facebook, Instagram, Twitter, Pinterest, Youtube og Google+.