,,Dýrmætasta reynslan í lífí mínu eru erfiðleikar,“ skrifar Ólafur Karl Finsen, leikmaður Vals á Instagram í dag.
Íslandsmeistarar Vals síðustu tveggja ára eru neðstir i Pepsi Max-deildar, allir spáðu Val titlinum í ár.
Ólafur Karl hefur gengið í gegnum ólgusjó á sínum ferli, hann hefur upplifað erfið meiðsli, var í óreglu með vímuefni. Hann hefur líka upplifað allt það góða við fótboltann, Íslandsmeistari með Stjörnunni og svo Val í fyrra.
,,Maður lærir og síar út fólk sem ekki er tilbúið að standa við bakið á manni þegar mest á reynir. Allt það besta í lífinu byrjar á krísu.“
,,Þeir sem þola ekki erfiðleika njóta aldrei neinnar velgegni. Í Val er gott að vera. Líka í krísu.“
Færslu Ólafs má sjá hér að neðan.
