Skúli Jón Friðgeirsson er gestur í nýjum hlaðvarpsþætti sem heitir Draumaliðið, þættinum stýrir Jóhann Skúli Jónsson. Þar ætlar hann sér að fá gesti til að velja draumaliðið af ferli sínum.

Skúli er harður KR-ingur og hefur alla tíð á Íslandi, spilað fyrir KR. Hann valdi draumalið sitt af ferlinum.

Skúli ræddi um eftirminnilega útlendinga sem komið hafa í KR, einn af þeim var danski varnarmaðurinn, Morten Beck.

,,Morten Beck sem var hjá okkur, sleit krossband í lok síðasta tímabils. Það er einhver skemmtilegasta týpa sem ég hef vitað um,“ sagði Skúli þegar hann byrjaði a ræða um Beck.

Fyrst um sinn hélt Skúli að þessi danski strákur væri með allt á hreinu í lífinu.

,,Hann kom inn í æfingaferð 2016 þegar Bjarni Guðjónsson var þjálfari, við vorum í Flórída. Hann var feimn, lítill Dani. Sagði ekki neitt, leit út fyrir að vera algjör topp týpa. Með allt á hreinu.“

Annað kom á daginn, Beck er latasti maður sem Skúli hefur kynnst.

,,Svo kemur á daginn að þetta er mesti haugur og letingi sem ég hef kynnst, það lítur ekki út fyrir það. Er svakalegur haugur, mjög góður í fótbolta. Ef hann væri ekki þessi haugur, þá væri hann að spila í dönsku úrvalsdeildinni. Honum fannst gott að vera í sófanum“