Eins og flestir vita þá er Gary Martin án félags þessa stundina en hann yfirgaf Val á dögunum.

Valur ákvað að rifta samningi Gary sem samdi aðeins við félagið fyrir mót. Hann og Ólafur Jóhannesson, þjálfari Vals, áttu ekki skap saman.

Það er óvíst hvað tekur við hjá Gary sem hefur áður leikið með ÍA, KR og Víkingi Reykjavík hér heima.

Rúnar Kristinsson, þjálfari KR, var spurður út í það í kvöld hvort Gary gæti verið á leið aftur í Vesturbæinn,

Rúnar staðfesti það í samtali við blaðamann Fótbolta.net að það væri möguleiki á að Gary myndi snúa aftur í júlí.

,,Jájá, það eru alltaf líkur á því,“ sagði Rúnar við Fótbolta.net en þeir unnu áður saman hjá þeim svarthvítu.