Dusan Tadic, leikmaður Ajax, grét í marga klukkutíma eftir tap liðsins gegn Tottenham í Meistaradeild Evrópu.
Ajax vann fyrri leik sinn í undanúrslitunum gegn Tottenham 1-0 en tapaði svo þeim síðari 3-2 á dramatískan hátt.
Tadic gat varla sofið eftir þessi úrslit en hann var mjög sorgmæddur er hann kom heim eftir leikinn í Hollandi.
,,Þegar ég er svona vonsvikinn þá græt ég. Tilfinningarnar taka yfir,“ sagði Tadic við Ajax Life.
,,Þú reynir að koma þessu öllu úr líkamanum. Þegar ég kom heim þá kveikti ég á sorgmæddri serbnenskri tónlist og sat á sófanum.“
,,Svo fór ég í rúmið. Ég held að ég hafi grátið alla nóttina. Svo sá ég börnin mín næsta morgun og það hjálpaði.“
