Dani Alves, leikmaður Paris Saint-Germain, hefur staðfest það að landi sinn Neymar sé ósáttur hjá félaginu þessa stundina.

Neymar vill vinna Meistaradeildina með franska stórliðinu en gengið á leiktíðinni var ekki gott í deild þeirra bestu.

Alves segir að Neymar vilji vera á toppnum í dag en óvíst er hvort hann geti afrekað það hjá PSG.

,,Neymar er ekki að afreka það sem hann vill. Hann er heltekinn af því að vera á toppnum,“ sagði Alves.

,,Þess vegna, ef hann er ekki að ná því þá er mjög augljóst að hann sé óánægður.“

,,Hann þarf að nýta frítímann og fríið og fara yfir hvað hann geti gert til að verða stærri leikmaður en hann er í dag.“

,,Hann er ekki ánægður því hann er ekki að fá það sem hann vill. Það gerir hann óánægðan. Ég myndi lemja hann í klessu ef hann væri ánægður án þess að vinna.“