Það er alveg á hreinu að miðjumaðurinn Adrien Rabiot er á förum frá Paris Saint-Germain í sumar.

Rabiot hefur ekkert spilað með PSG á þessu ári en hann gaf það út í lok síðasta árs að hann væri á förum.

Rabiot neitaði að skrifa undir nýjan samning við PSG og var í kjölfarið settur í frystikistuna.

PSG fagnaði titlinum í frönsku úrvalsdeildinni á tímabilinu en Rabiot var bannað að taka þátt í fagnaðarlátunum.

Þrátt fyrir að hafa komið reglulega við sögu fyrir áramót þá fékk hann ekki þakkir fyrir sín störf.

Stjórn PSG er enn brjáluð út í leikmanninn sem verður samningslaus í sumar og má fara frítt.