Það varð allt vitlaust fyrir sjö árum síðan er framherjinn Robin van Persie samdi við lið Manchester United.
Van Persie gerði garðinn frægan með Arsenal en hann ákvað að skipta yfir á Old Trafford eftir að hafa verið fyrirliði liðsins.
Það eru margir sem munu aldrei fyrirgefa Van Persie það en hann hefur nú sjálfur beðist afsökunar.
,,Ég skil það að stuðningsmennirnir hafi verið reiðir út í mig. Ég var fyrirliði og markaskorari liðsins,“ sagði Van Persie.
,,Við enduðum í þriðja sæti þetta ár. Stundum þá finnurðu þó fyrir því að þú þurfir á nýrri áskorun að halda.“
,,Ég særði fólk, ég biðst afsökunar. Ég tók þessa ákvörðun og stóð með henni. Það þýðir þó ekki að ég horfi illa til Arsenal.“
