Það fjölgaði í röðum bresku konungsfjölskyldunnar á dögunum þegar sonur Harry prins og Meghan Markle kom í heiminn. Miklar getgátur hafa verið um hvaða nafn erfinginn fengi. Ofarlega í veðbönkunum voru hefðbundin bresk konungsnöfn á borð við Alexander, Artúr eða Filippus.
Það voru þó fáir sem giskuðu á nafnið sem drengurinn hefur nú hlotið. Hann heitir Archie Harrison Mountbatten–Windsor.
Búist er við því að Elísabet Englandsdrottning geri sér ferð síðar í dag til nýbökuðu foreldranna að hitta nýjasta barnabarnabarnið.
