Eiríkur Hákon Friðriksson, starfsmaður hjá tölvuleikjafyrirtækinu Myrkur Games, kom í gær að dauðu folaldi í grjótagarðinum á Granda. Talið er að það hafi rakið þangað með öldum. Reykjavíkurborg hefur verið gert viðvart.
„Við fundum það í gær í steinveggnum þarna. Troðið þarna inni í steinunum. Ég myndi halda að þetta hefði troðist með öldunum, en það er möguleiki að einhver hafi sett þetta þarna, þetta væri þó frekar skrítinn staður fyrir einhvern til að losa sig við svona. Þetta var mjög spes. Borgin ætlar að gera eitthvað í þessu sem er fínt,“ sagði Eiríkur í samtali við blaðamann DV.
Eiríkur tók meðfylgjandi myndir.
