Ef þú hefur einhvern tíma haldið á ferðatösku eða þungum pokum upp stiga þá veistu hversu erfitt það getur verið. Hjartað slær hratt, þig svíður í rassinn og lærin og handleggirnir alveg búnir á því þegar þú kemst upp stigann.
Þú getur endurgert þessa æfingu í ræktinni með kassa og lóðum. Þessi æfing er fullkomin æfing fyrir allan líkamann. PopSugar greinir frá.
Þessi æfing er vinsæl, sérstaklega meðal CrossFittara. Æfingin var meira að segja í CrossFit Open 19.3 æfingunni.
Þú hefur kannski líka séð æfinguna í alls konar bootcamp tímum og hjá Kaylu Itsines. Það er vegna þess að þessi æfing er ein af bestu æfingunum fyrir allan líkamann sem þú getur gert. Æfingin einblínir á rass og læri, en vinnur líka á kvið og handleggjum.
Ef þú ert að byrja í styrktarþjálfun, byrjaðu með kassa sem er um 15 sm á hæð. Vertu með létt handlóð, 1-3 kg. Ef þú ert reyndari, notaðu kassa sem er 50-60 sm á hæð og handlóð sem eru 4-12 kg á þyngd.
Æfingin
Haltu á sitthvoru handlóðunum og hafðu hendurnar niður með síðu. Ef þú ert reyndari geturðu haldið þeim við axlirnar.
Stígðu með hægri fætinum á kassann, svo vinstri þannig bæði fætur eru ofan á kassanum.
Stígðu rólega hægri fætinum aftur af kassanum, og svo vinstri.
Þetta telst sem ein endurtekning.
Passaðu þig að stíga jafn oft fyrst með hægri eins og vinstri.
