Ljósmyndari tók nærmyndir af fólki í fötum og án klæða. Dylan Hamm fékk hugmyndina fyrir löngu síðan en beið þar til kærustu hans leið vel með að hann myndi ljósmynda nakið fólk. Bored Panda greinir frá.
Dylan myndaði ekki nakinn líkama fólksins, heldur einungis nærmynd af andliti. Í fyrstu virðist ekki vera mikill munur á myndunum, en ef þú horfir vel þá sérðu mun.
Hann vildi sýna muninn á svipbrigðum fólks í klæðum og án þeirra „til að sýna hvernig áhrif eitthvað eins einfalt og nekt getur haft á svipbrigði.“
Dylan tekur það ekki fram á hvaða mynd manneskjan er nakin, heldur lætur hann áhorfendur sjá um að skoða, pæla og giska.
Getur þú giskað á hvorri myndinni manneskjan er nakin og í fötum?
