Kristófer Ingi Kristinsson reyndist hetja Willem II í kvöld sem mætti Twente í hollenska bikarnum.
Kristófer byrjaði leik kvöldsins á varamannabekknum en kom inná á 74. mínútu leiksins er staðan var 2-1 fyrir Twente.
Tveimur mínútum síðar jafnaði Willem metin og svo á 86. mínútu skoraði Kristófer sigurmark liðsins.
Kristófer er mikið efni en hann er aðeins 19 ára gamall og kom til félagsins frá Stjörnunni á síðasta ári.
Hann hefur áður skorað fyrir aðallið Willem en hann komst á blað í deildinni fyrr á tímabilinu.
