Söng- og leikkonan Miley Cyrus sem byrjaði feril sinn sem hin saklausa Hanna Montana hefur aldeilis skriðið út úr barnaskeilinni undanfarin ár. Fljótlega eftir að Miley komst á unglingsaldurinn fór hún að koma fram fáklædd, sitja fyrir á djörfum myndum og í myndböndum, tala fyrir því að hún reyki reglulega Marijúana ásamt því að gera ýmislegt annað sem gjarnan hefur farið fyrir brjóstið á fólki.
Það nýlegasta er mynd sem Miley birti á Instagram reikningi sínum í gær. Á myndinni stendur „Marijúana gerir þig hamingjusaman.“ En undir myndina skrifar Miley: „Hlustið á Miley. Hún veit hvað er að frétta.“
Aðdáendur og fylgjendur Miley eru margir hverjir ekki ánægðir með þessi skilaboð hennar, en er hún talin vera mikil fyrirmynd ungs fólks í dag.
Einn fylgjandi skrifaði á myndina: „Ef þú þarft marijúana til þess að vera hamingjusöm, þá ættir þú að spyrja þig nokkurra spurninga.“
Annar segir: „Marijúana hefur mikil sálræn og andleg áhrif á heila ungs fólks. Það getur skapað vandamál sem ekki er hægt að vinna bug á. Farðu varlega með þau áhrif sem þú hefur.“
Margar mæður sem fylgja Miley eru henni mjög reiðar og segja henni meðal annars að gera það sem hún vill í friði en að vera ekki að hafa áhrif á ungt fólk. Þá greinir meðal annars einn fylgjandi hennar frá því að hann hafi misst móður sína þegar hann var aðeins tólf ára gamall og biður hana að hugsa sig varlega um.
Já, það má segja að Miley kunni að koma fólki í uppnám.