Lögreglan er byrjuð að skoða Chelsea og hvernig félagið hefur tekið á fordómum í garð svartra manna í fjölda ára.
Málið kom upp eftir að lögregla fór að skoða kynþáttaníð sem stuðningsmaður Chelsea var með í garð Raheem Sterling.
Fyrrum leikmenn félagsins hafa stigið fram og tjáð lögreglu það að félagið hafi ekkert gert í svona málum í fjölda ára. Um er að ræða frá 1970 og fram til ársins 2000 þar sem félagið virðist hafa litið fram hjá svona málum.
Einn leikmaður segir að félagið hafi stutt við rasisma með aðgerðum sínum þegar svona mál komu upp.
Chelsea hefur tjáð sig um málið og segir að félagið taki þessum ásökunum mjög alvarlega og að málið verði skoðað.