Það er ekkert sérstaklega gaman að steikja beikon á pönnu þar sem það getur verið ansi sóðaleg iðja. Þessi leið eru miklu, miklu betri og hugsanlega sú besta þegar kemur að beikon eldun.
Við viljum samt taka fram að þegar á aðeins að steikja tvær til þrjár sneiðar er betra að skella þeim bara beint á pönnuna.
1. Hitið ofninn
Hitið ofninn í 200°C og klæðið stóra ofnplötu með álpappír.
2. Notið grindina
Ef þið viljið hafa beikonið mjög stökkt þá setjið þið ofngrind ofan á ofnplötuna. Þetta gerir það að verkum að beikonið stendur aðeins hærra og eldast á öllum hliðum. Ef þið viljið ekki stökkt beikon getið þið sleppt þessu skrefi.
3. Bakið beikonið
Raðið beikonsneiðunum á grindina eða plötuna í einfalda röð. Mikilvægt er að hafa smá bil á milli sneiðanna, annars festast þær saman. Bakið þar til beikonið er stökkt, eða í um 20 mínútur – allt eftir þykkt. Gott er að fylgjast með sneiðunum síðustu mínúturnar svo þær brenni ekki.
4. Þerrið sneiðarnar
Leggið sneiðarnar á pappírsþurrku til að losna við fitu og berið síðan strax fram.
5. Geymið fituna
Hellið fitunni af beikoninu í krukku og geymið í ísskáp. Þessa fitu er hægt að nota í ýmislegt – til dæmis til að elda egg eða steikja grænmeti.
