Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira.
Dastu í desertana í jólahlaðborðinu um helgina?
Opnaðirðu Makkintossj dallinn í laumi og gúffaðir fjólubláu molana í laumi bak við hurð í þvottahúsinu.Ert lítill í þér núna.
Líður eins og þegar mamma skammaði þig fyrir að hrinda Jóa í næsta húsi í drullupoll þegar þú varst átta ára.Með þyrnikórónu sektarkenndar.
Blóðgað bak eftir refsivöndinn.
Sósaður af skömm.„Ég er ömurlegur“
„Gráðugt svín“
„Mér mistekst alltaf í mataræði“
„Ég er lúser og landeyða“
„Get aldrei staðið með sjálfum mér“Það er mikilvægt að sósa sig ekki í skömm og sektarkennd.
Skömm losar út streituhormón. Streituhormón lama framheilann.
Þannig að við getum ekki beitt rökhugsun og dregið lærdóm af atvikinu.
Sektarkennd byrgir þér sýn hvernig þú getur gert betur næst.Skömm segir þér að þú sért mistökin.
En við GERUM mistök.
Við erum ekki mistök.
Þú ert ekki hegðunin þín.Við þurfum ekki að anda í bréfpoka í kvíðakasti yfir nokkrum súkkulaðimolum með hugsanavillur grasserandi í höfðinu.
Markmiðið með góðum heilsuvenjum er að öðlast meirapróf í hófsemi alla daga svo að smá sykursukk hér og þar er bara prump í brók í stóra samhenginu.
En það búa ekki allir yfir þeirri færni og það er allt í lagi.
Þú ert að æfa þig með hverri góðri ákvörðun.Jólin eru til að njóta… og við njótum ekki þegar sektarkenndin hríslast niður hryggjarsúluna.
Við erum tjörguð og fiðruð á torgum eins og bæjarfíflið.Þú ert alltaf bara einni máltíð frá því að hendast aftur á Heilsuvagninn.
Gerðu þá máltíð að epískri hollustu og sannaðu fyrir sjálfum þér að þú sért þessi ræktaði, fitt og flotti.
Eins og liðið á Instagramm.
