Það var hræðileg sjón sem mætti lögreglumönnum síðdegis í gær á bóndabæ á Helnæs við Fjón í Danmörku. þar fundu lögreglumenn konu á áttræðisaldri og karlmann á fimmtugsaldri sem höfðu verið stungin til bana. Lögreglan segir að aðkoman hafi verið hræðileg, fólkið hafi verið stungið mörgum stungum.

Helnæs er lítil eyja við suðurodda Fjóns en þar búa um 200 manns. Lögreglunni bárust tilkynningar síðdegis í gær frá íbúum á eyjunni um undarlega hegðun manns á fertugsaldri. Lögreglumenn fóru á vettvang og hittu á manninn og tóku hann í sína vörslu en hann virtist ekki vera í andlegu jafnvægi. Í framhaldi af því fékk lögreglan vitneskju um að eitthvað skelfilegt hefði gerst á fyrrgreindum bóndabæ.

Ekstra Bladet hefur eftir talsmanni lögreglunnar að fórnarlömbin tengist ekki neitt. Konan bjó á bænum en talið er karlmaðurinn hafi komið þangað með eldivið og þá verið myrtur. Hinn handtekni er danskur og hefur ekki áður komið við sögu hjá lögreglunni.