Heimir Hallgrímsson, fyrurm landsliðsþjálfari er í áhugaverðu spjalli hjá erlendum fjölmiðli þar sem hann fer yfir sviðið.
Heimir lét af störfum sem landsliðsþjálfari eftir Heimsmeistaramótið í sumar, hann hafði unnið kraftaverk en fannst tímapunkturinn réttur, að stíga til hliðar.
Heimir var spurður um fyrirmyndir sínar í lífinu, oft hefur hann nefnt aðra þjálfara. Hann er hins vegar á því í dag að mamma hans, sé hans stærsta fyrirmynd.
,,Ég er stundum spurður um fyrirmyndir, mamma er fyrirmyndin mín. Hún hefur gildin sem ég lifi eftir. Hún er mjög trúuð,“ sagði Heimir í viðtalinu og átti þar við kristna trú.
,,Hefur mikið af fólki í kringum sig, mjög jákvæð þrátt fyrir neikvæðni í kringum sig. Hún hafði alltaf von, hún talaði eins við alla. Sama hvaða stalli fólk var á, ég vonast til að vera jafn góður eins og hún.“
Heimir er menntaður tannlæknir en draumur hans sem krakki var alltaf að vera flugmaður.
,,Ég vildi vera flugmaður, ég og vinur minn urðum tanlæknar en við vildum verða flugmenn.“
Viðtalið má heyra hér að neðan.
