Gylfi Þór Sigurðsson er orðinn næstleikjahæsti íslenski leikmaðurinn í sögu ensku úrvalsdeildarinnar. Hann fór á dögunum fram úr Eiði Smára Guðjohnsen og hefur nú leikið 221 leiki í vinsælustu íþróttadeild í heimi. Ekki er ólíklegt að Gylfi muni einn daginn taka fram úr Hermanni Hreiðarssyni sem lék 332 leiki í deildinni. Gylfi þarf að klára þetta tímabil og þrjú til viðbótar að öllum líkindum til að ná Hermanni.

Þrjú félög Gylfa:
Gylfi hefur leikið fyrir þrjú félög í ensku úrvalsdeildinni, flestir af leikjum hans hafa verið á vegum Swansea en talsverður fjöldi fyrir bæði Everton, sem hann leikur með í dag, og einnig Tottenham. Hermann lék leikina sína með sex félögum, Eiður Smári með fjórum en 186 af þeim komu með Chelsea. Tveir fyrrverandi leikmenn Bolton koma í fjórða og fimmta sæti yfir leiki Íslendinga í ensku úrvalsdeildinni.

Þrír leikmenn í deildinni í dag
Þrír íslenskir leikmenn eru í deildinni í dag, auk Gylfa eru það Aron Einar Gunnarsson og Jóhann Berg Guðmundsson. Aron hefur lengst af verið í næstefstu deild með Cardiff og Coventry en er nú á sínu öðru tímabili í ensku úrvalsdeildinni, hann hefur spilað 27 leiki í deildinni. Jóhann Berg Guðmundsson er á sínu þriðja tímabili með Burnley í deildinni og hefur spilað 66 leiki, hann er áttundi leikjahæsti Íslendingurinn í ensku úrvalsdeildinni.

1. Hermann Hreiðarsson (332 leikir)

2. Gylfi Þór Sigurðsson (221 leikur)

3) Eiður Smári Guðjohnsen (211 leikir)

4. Guðni Bergsson (135 leikir)

5. Grétar Rafn Steinsson (126 leikir)

6. Heiðar Helguson (96 leikir)

7. Ívar Ingimarsson (73 leikir)

8. Jóhann Berg Guðmundsson (66 leikir)

9. Arnar Bergmann Gunnlaugsson (45 leikir)

10. Brynjar Björn Gunnarsson (43 leikir)

11. Jóhannes Karl Guðjónsson (32 leikir)

12. Lárus Orri Sigurðsson (29 leikir)

13. Aron Einar Gunnarsson (27 leikir)

Aðrir:
14. Þorvaldur Örlygsson (15 leikir)
15. Þórður Guðjónsson (10 leikir)
16. Jóhann Birnir Guðmundsson (9 leikir)
17. Eggert Gunnþór Jónsson (3 leikir)