Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Samir Nasri, fyrrum leikmaður Arsenal, er í hættu á að missa af félagaskiptum til West Ham en hann er í slæmu formi. (Mirror)
Santiago Solari verður ráðinn nýr stjóri Real Madrid á næstunni og fær samning út tímabilið. Hann hefur stýrt liðinu tímabundið. (Marca)
Antonio Conte, fyrrum stjóri Chelsea, ætlar ekki að taka við liði fyrr en næsta sumar. (Rai Sport)
Borussia Dortmund og Marseille eltast við hinn 17 ára gamla Ben Cottrell sem spilar með Arsenal. (Sun)
Kevin de Bruyne, leikmaður Manchester City, mun snúa aftur mun fyrr en búist var við. Hann gæti byrjað að spila aftur eftir meiðsli í byrjun desember. (Guardian)
Mousa Dembele, leikmaður Tottenham, er farinn til Katar þar sem hann fer í endurhæfingu vegna meiðsla á ökkla. (Standard)
