Stórleikur Manchester City og Manchester United var nú að klárast en grannarnir áttust við á Etihad vellinum.
Það voru heimamenn í City sem höfðu betur í kvöld en liðið var í heildina litið mun sterkari aðilinn.
Eitt mark var skorað í fyrri hálfleik en það gerði David Silva fyrir City á 12. mínútu leiksins.
Sergio Aguero bætti við öðru snemma í síðari hálfleik áður en Anthony Martial minnkaði muninn fyrir United úr vítaspyrnu.
Ilkay Gundogan gerði svo alveg út um leikinn undir lokin og fer City í efsta sæti deildarinnar. Liðið er tveimur stigum á undan Liverpool.
Arsenal lenti í smá basli á sama tíma er liðið fékk nýliða Wolves í heimsókn á Emirates völlinn.
Ivan Cavaleiro kom Wolves yfir snemma leiks og var liðið með forystuna þar til fjórar mínútur voru eftir.
Varamaðurinn Henrikh Mkhitaryan reyndist þá hetja Arsenal er hann jafnaði metin og tryggði liðinu stig.
Manchester City 3-1 Manchester United
1-0 David Silva(12′)
2-0 Sergio Aguero(48′)
2-1 Anthony Martial(víti, 58′)
3-1 Ilkay Gundogan(86′)
Arsenal 1-1 Wolves
0-1 Ivan Cavaleiro(13′)
1-1 Henrikh Mkhitaryan(86′)
