Það fer fram stórleikur í ensku úrvalsdeildinni í dag er lið Manchester City fær Manchester United í heimsókn.
Það hefur verið mikill munur á gengi liðanna á tímabilinu en City er taplaust fyrir viðureign dagsins.
United var þó með svör á síðustu leiktíð er liðið vann granna sína 3-2 í sömu viðureign.
Enskir miðlar eru búnir að birta byrjunarlið United en útlit er fyrir það að því hafi verið lekið á netið.
Venjan er að byrjunarliðin séu birt klukkutíma fyrir leik en lið United birtist töluvert fyrr.
Það verður að koma í ljós hvort þetta reynist rétt en miðað við fregnirnar byrja hvorki Paul Pogba né Romelu Lukaku fyrir gestina.
Byrjunarliðið: De Gea, Young, Smalling, Lindelof, Shaw, Matic, Herrera, Fellaini, Lingard, Martial, Sanchez.
