Aurelio De Laurentiis, forseti Napoli, er mjög sérstakur karakter en hann elskar fátt meira en að tjá sig í fjölmiðlum.

De Laurentiis ákvað í dag að skjóta aðeins á Liverpool og þá aðallega borgina. Af hverju? Það virðist enginn vita.

Napoli mætir Paris Saint-Germain í Meistaradeildinni í kvöld en liðið vann síðasta leik sinn gegn Liverpool 1-0 á Ítalíu.

,,Geturðu ímyndað þér að vakna í Liverpool á hverjum degi? Það eina sem er þarna er hús Bítlanna,“ sagði De Laurentiis.

,,Í París þá er mikið sem þú getur farið að sjá en veðurfarið er ekki frábært líkt og í Napoli.“

,,Þú þarft að vera klikkaður ef þú ert ekki ánægður í Napoli. Heima hjá mér þá er ég með besta útsýnið yfir Róm en ég myndi skipta því út fyrir Napoli.“

,,Þessir leikmenn vakna og æfa og svo eru þeir búnir yfir daginn. Við borgum þeim til að hafa gaman.“