Fellibylurinn Leslie stefnir nú í átt að Portúgal og Spáni og er reiknað með að hann skelli á Íberíuskaganum í kvöld. Vindhraði Leslie mælist nú um 130 km/klst að sögn bandarísku fellibyljamiðstöðvarinnar í Miami.

Á leið sinni til Íberíuskagans fer Leslie yfir Madeira, sem eru portúgalskar eyjar í Atlantshafi, og er reiknað með að fellibylurinn haldi fullum styrk á ferð sinni yfir eyjarnar. Heldur mun draga úr krafti fellibylsins þegar hann tekur land á Íberíuskaga en samt sem áður er reiknað með mjög sterkum vindhviðum og úrhellisrigningu víða í Portúgal og á Spáni í kvöld.