Nú skal gæta þess að rugla ekki saman hinni dönsku Lindu P við fegurðardrottinguna okkar Lindu Pé. En hver er hin danska Linda P? Linda hin danska er þekktur grínisti, leikari og handritshöfundur í Danmörku og vel þekkt á forsíðum dagblaða og vikublaða og því hefur skilnaðurinn vakið töluverða athygli í gegnum árin en þær skildu 2013. Upp á síðkastið hafa fjölmiðlar fjallað töluvert um hann og nýlega birti BT viðtal við Lindu P um samband þeirra.
Í samtali við BT sagði Melissa að henni ætti að vera hætt að bregða en það gerist nú samt sem áður enn yfir hvernig Linda afneiti sambandi þeirra og láti það hljóma eins og um eitt stórt leikrit hafi verið að ræða og að hún hafi aldrei verið ástfangin af sér.
„Í mínum heimi er þetta klikkað.“
Melissa og Linda hafa varla ræðst við síðan þær skildu en á síðasta ári hringdi Linda í Melissu til að segja henni að hún væri búin að finna sér nýjan maka og að það væri karlmaður.
„Hún sagði að ég væri líklega ekki fyrir karla af því að ég hefði ekki hitt þann eina rétt enn. Þetta hljómaði eins og hún væri frelsuð og hefði fundið tilganginn með lífinu. Ég hugsaði bara með mér: „Ertu búin að gleyma hvar við kynntumst? Ég er enn með nafnið þitt húðflúrað á fótlegginn.““
Sagði Melissa sem á erfitt með að trúa Lindu þegar hún segist aldrei hafa verið samkynhneigð.
Melissa segir að Linda hafi verið eins og tveir persónuleikar. Þegar hún var edrú hafi hún verið dásamleg og þær hafi átt góðar stundir. Öðru máli gegndi þegar Linda notaði kókaín og hélt framhjá með mörgum konum, þá hafi verið um allt aðra Lindu að ræða.
