Flestir eiga í erfiðu sambandi við prump. Það er ekki mjög vinsælt umræðuefni og það getur verið ansi vandræðalegt ef fólk „missir“ prump í námunda við vini eða vinnufélaga. En prump eru ekki með öllu slæm, það er að minnsta kosti betra að leysa vind en halda honum í sér.
Hér fyrir neðan eru nefndir til sögunnar nokkrir kostir þess að prumpa.
- Þú sleppur við þaninn maga. Þegar þú prumpar eru það bakteríur í þörmunum sem vinna á honum en í þessu ferli verður til loft, allt að tveir lítrar á sólarhring. Ef þú losnar ekki við þetta loft þá finnst þér þú vera þanin(n) síðdegis og líður ekki vel eftir því sem Anne-Marie Mortensen hjá Madibalance.dk sagði í samtali við Femina.
- Það dregur úr magaverkjum. Ef þú heldur loftinu inni, þrátt fyrir að það vilji mjög gjarnan komast út, getur það haft áhrif á þarmana og það veldur magaverkjum. Á vef Berkeley Wellnes kemur fram að ef fólk er ekki í aðstöðu til að geta prumpað þá geti það reynt að nudda maga sinn til að auðvelda loftinu að vinna sig í gegnum kerfið.
- Þú sleppur við að eitra líkamann. Ef þú heldur prumpinu í þér þá getur líkaminn tekið eiturefnin, sem eru í því, í sig. Þetta getur valdið höfuðverk, beinverkjum og eitrað líkamann meira eða minna eftir því sem Carsten Vagn Hansen, læknir, sagði í samtali við BT.
- Prump segja til um hollustu mataræðisins. Tíðni prumpa og ilmur, eða kannski frekar óþefur, er góð vísbending um hvort fólk borði hollan og fjölbreyttan mat. Ef mikil lykt fylgir þeim þá borðar þú kannski of mikið af rauðu kjöti, eggjum og mjólkurvörum. Ef þú prumpar næstum því aldrei þá er það hugsanlega til merkis um að þú eigir að borða meira af grænmeti eins og spergilkáli og blómkáli.
- Hægðirnar lykta minna ef þú prumpar mikið. Loft, sem er í þörmunum, blandast við loftið sem fylgir hægðunum. Þeim mun lengur sem loftið og hægðirnar eru í þörmunum þeim mun verri verður lyktin þegar fólk hefur hægðir.
- Það er svo gott. Verum bara alveg hreinskilin, það er svo rosalega gott og mikill léttir að leysa heitt loft úr læðingi.