Enn hefur engin tilkynning borist um fundinn á vef Alþingis en síðasta tilkynning frá Steingrími J. Sigfússyni þingforseta var sú að Pia Kjærsgaard, hinn umdeildi danski þingforseti, tæki þátt í hátíðarhöldum í tilefni af 100 ára afmæli fullveldisins.
Steingrímur var lengi þingmaður Alþýðubandalagsins sem var upprunalega kosningabandalag Hannibals Valdimarssonar og Sósíalistaflokksins, áður Kommúnistaflokksins. Rætur Steingríms liggja því í þeirri hugmyndafræði.
Sendinefnd kínverska kommúnistaflokksins hefur sérstakt hlutverk í að þrýsta á stjórnmálamenn víðs vegar um heim í málefnum sem snerta Kína, til dæmis varðandi Taívan og Suður-Kínahaf. Þess vegna vakna spurningar um af hverju þessi leynd þingforsetans stafar.
