Tottenham á Englandi hefur framlengt samning tveggja leikmanna fyrir komandi átök í ensku úrvalsdeildinni.
Fyrr í dag skrifaði sóknarmaðurinn Heung-min Son undir nýjan samning sem heldur honum hjá félaginu til ársins 2022.
Son hefur komið reglulega við sögu hjá Tottenham heftir að hafa komið til félagsins árið 2015 frá Bayer Leverkusen.
Son er 26 ára gamall en hann hefur gert 30 deildarmörk í 99 leikjum fyrir Lundúnarliðið.
Erik Lamela hefur þá einnig krotað undir nýjan samning við Tottenham til ársins 2022.
Lamela hefur ekki spilað mikið síðustu tvö tímabil vegna meiðsla en vonast til að koma sterkur inn á nýju tímabili.
