„Það eru fá lið betri í því en Ísland að setja leikinn þannig upp að það tapi ekki – en íslenska liðið þarf að vinna þennan leik,“ segir Paul Merson, fyrrverandi landsliðsmaður Englands og sparkspekingur Sky, um leik Íslands og Nígeríu í Volgograd í dag.

Paul, sem lék yfir 20 landsleiki fyrir England á sínum tíma og í tólf ár með Arsenal, spáir því að Ísland vinni 1-0 og setji Argentínu í mjög erfiða stöðu.

„Ef Ísland vinnur verður Argentína með bakið upp við vegg. Ég tippa á það að Ísland vinni vegna þess að nígeríska liðið var skelfilegt á móti Króatíu,“ segir hann á vef Sky.