,,Fyrsti laxinn var að koma á land áðan í Kjósinni en hann veiddist í Laxfossi neðan megin,“ sagði Haraldur Eiríksson er við heyrðum í honum rétt áðan við Laxfossinn skömmu eftir að fiskurinn kom á land.
Kalt var í veðri við Laxá í morgun, ekki nema 6 stiga hiti, og af þeim sökum hefur laxinn tekið grannt.
,,Það var Óðinn Elísson sem veiddi fiskinn og þetta var 14 punda fiskur sem tók svarta fransis númer 12 en áður höfum veiðimenn misst fjóra laxa. Fiskurinn hafði sig ekki mikið í frammi en fyrsti laxinn er kominn á land þetta sumarið í Kjósinni,“ sagði Haraldur ennfremur.
Mynd. Óðinn Elísson með fyrsta laxinn í Laxá í Kjós á þessu sumri. Mynd Haraldur