Bendis hefur nú flutt sig yfir til DC Entertainment og hans fyrsta verk er að skrifa nýjar sögur fyrir ofurhetjuna góðu sem nýlega fagnaði áttræðis afmæli sínu.
Fyrsta verk Bendis var að breyta aðeins fjölskylduhögum ofurhetjunnar.
Hann setti Súperman í sambúð með Lois Lane og auðvitað á hann son, – en ekki hvað?
Sagan gengur svo að einhverju leyti út á það hvernig ofurhetjan reynir að eiga „eðlilegt“ samband við son sinn við aðstæður sem eru að sjálfssögðu ekkert eðlilegar.
„Áhorfendur fá að upplifa hversu sérstakt samband Súpermans og sonar hans er, og sambandið við fjölskylduna. Við ætlum að grafa ofan í þetta á næstu mánuðum, semsagt – hvernig þau lifa lífinu eins og hefðbundin fjölskylda en eru það samt ekki á nokkurn hátt,“ segir Bendis í viðtali við TIME magazine:
„Ég held í raun að þetta sé einkennandi fyrir fullt af nútímafjölskyldum. Þær eru ekki í hefðbundnu formi eða með þessi hefðbundnu fjölskyldugildi heldur glíma fyrst og fremst við allskonar aðstæður sem koma upp hverju sinni og ég held að það verði áhugavert að setja Súperman og Lois Lane í svona aðstæður.“
Semsagt: Súperman verður ofurpabbi eins og pabbinn í Taken, nemba bara fljúgandi og með skikkju. Pabbar… bíðið spenntir!
Smelltu hér til að horfa á viðtal við meistara Bendis