Valur 2-1 Breiðablik
0-1 Aron Bjarnason(13′)
1-1 Patrick Pedersen(62′)
2-1 Ólafur Karl Finsen(87′)
Síðasta leik dagsins í Pepsi-deild karla var nú að ljúka en það fór fram stórleikur á Origo-vellinum.
Íslandsmeistarar Vals tóku þá á móti toppliði Breiðabliks í leik sem endaði með 2-1 sigri Valsmanna.
Aron Bjarnason skoraði fyrra mark leiksins fyrir Blika en hann kom boltanum í netið snemma í fyrri hálfleik.
Danski framherjinn Patrick Pedersen sá svo um að jafna fyrir Val með marki á 62. mínútu leiksins.
Það var svo varamaðurinn Ólafur Karl Finsen sem tryggði Val stigin öll með marki undir lok leiksins. Ólafur hafði verið inná í þrjár mínútur og var þetta hans fyrsta innkoma í sumar.
Þetta var fyrsta tap Breiðabliks í sumar en liðið er þó enn á toppnum. Valur er nú aðeins tveimur stigum frá toppnum.
