Tölur sýna glöggt hversu tilhæfulausar ákvarðanir Donalds Trump í innflytjendamálum eru, að þær byggja einungis á lýðskrumi, duttlungum og þjónkun við öfgaöfl. Þarna má sjá hversu þessar aðgerðir eru í raun algjörlega þarflausar, bjarga ekki mannslífum – miðað við til dæmis ef settar væru harðari reglur um notkun skotvopna.
Í Economist má lesa að Alex Nowrasteh hjá Katóstofnuninni hefur reiknað út að líkurnar á að Bandaríkjamaður sé drepinn í hryðjuverkaárás sem er framin af flóttamanni sé einn á móti 3,6 milljörðum.
Og svo má lesa hér fyrir neðan hversu mikil hætta Bandaríkjamönnum stafar af þegnum ríkja sem nú er bannað að koma til Bandaríkjanna.
Forsetaframbjóðandinn Bernie Sanders hefur þetta að segja um ákvörðun forsetans – sem nú hefur reyndar verið hnekkt tímabundið fyrir dómstóli. Þetta gerir ekki annað en að ala á hatri.
En þetta skrifar Madeleine Albright, fyrrverandi utanríkisráðherra, sem var á sínum tíma flóttamaður undan nasistum.
Og loks eru það orð hins virta fréttamanns Dans Rather um það hvernig Bandaríkin grafa með þessum hætti undan sjálfum sér, lýðræðinu og áhrifavaldi sínu í heiminum.
