Björt framtíð og Viðreisn hafa myndað bandalag þar sem hinn aðsópsmikli (segi ekki freki) og ættstóri Benedikt Jóhannesson virðist ráða ferðinni.

Óttar Proppé, formaður BF, er frægt ljúfmenni í samskiptum við annað fólk, Benedikt getur verið aðeins meira stuðandi.

Flokkarnir skilgreina sig báðir nálægt miðju – en það verður að segjast eins og er að BF virkar talsvert til vinstri við Viðreisnarfólkið flest.

Hversu lengi heldur þetta bandalag?

Það verður að segjast eins og er að líklegasta stjórnarmynstrið núna er Sjálfstæðisflokkur, Framsókn og Viðreisn – með eða án Bjartrar framtíðar.

Gerist kannski ekki alveg strax, en þetta er í kortunum.