Fjórði þáttur Steinsteypualdarinnar verður sýndur á RÚV á fimmtudagskvöldið. Hér er stikla úr þættinum. Við erum komin til ársins 1960 og hin hreinu form módernismans eru alls ráðandi, ekki bara í byggingalist heldur líka í málverki og hönnun.
Við byrjum ferð okkar um arkitektúr og skipulag þessa tíma á Ægissíðu sem á þeim árum var fínasta adressan í bænum. Þar stendur eitt frægasta húsið eftir arkitektinn Sigvalda Thordarson en skammt undan er hús sem Gísli Halldórsson teiknaði fyrir sjálfan sig.
