Það er talað um að metáhorf verði á kappræður Clintons og Trumps í nótt. RÚV ætlar að sýna umræðurnar beint.

Ég ætla ekki að horfa.

Kosningarnar í Bandaríkjunum hafa þau áhrif á mig að mig langar að leggjast undir sæng og breiða yfir höfuðið. Opna ekki fyrir neinn fjölmiðil. Ég forðast að tala um þær. Þetta veldur mér miklum kvíða. Þetta er atburðarás sem ég get ekki haft nein áhrif á.

Og ég verð að segja eins og er, mér er hjartanlega sama um hvernig íslensku kosningarnar fara miðað við ósköpin sem eru þarna á ferðinni.

En eldhúsdagsumræður á Alþingi dreifa kannski huganum.