Kiljan verður að þessu sinni að miklu leyti helguð Jónasi Hallgrímssyni en 16. nóvember verða tvö hundruð ár liðin fæðingu þessa óskabarns þjóðarinnar. Nokkur skáld velja uppáhaldsljóð sín eftir Jónas, skoðað verður hvernig hann birtist í kvæðum annarra höfunda, allt frá Konráði Gíslasyni og Grími Thomsen yfir í Megas og Hallgrím Helgason.

Einar Már Guðmundsson verður gestur í þættinum, en hann er að senda frá sér skáldsöguna Rimla hugans sem fjallar um ást, afbrot og alkóhólisma.

Af öðrum sem koma við sögu í þættinum má nefna Nonna, Norman Mailer, Jón Kalman Stefánsson, Eddu Andrésdóttur, Astrid Lindgren, Jóhann Sigurjónsson, Þórarin Eldjárn, Vilborgu Dagbjartsdóttur, Pál Valsson og Ingunni Snædal.

Fyrir utan Kolbrúnu, Pál og Braga.