Hví er alltaf verið að tala um gjaldfrjálsa leikskóla – aðallega fyrir kosningar?

Svo eru leikskólagjöldin hækkuð, sama hvaða flokkur er við völd.

Ég hef reyndar oft sagt að það skipti engu máli hvaða stjórnmálaflokkar stjórni borginni. Þetta veltur allt á einstaklingum.

Við þurfum bara almennilegt fólk – ekki flokka.

Miðað við allt er starfið bara furðu gott í leikskólunum. Ég held að flestir foreldrar séu sáttir við að borga fyrir það – og jafnvel aðeins meira ef starfið batnar enn. Til þess þarf að bæta kjör leikskólastarfsfólks.

Umræðan ætti í rauninni fremur að snúast um hvers vegna ekki eru tekin upp skólagjöld víðar.

Til dæmis í Háskóla Íslands – skólagjöld myndu ekki gera annað en að bæta námið og starfið þar og kannski fleyta honum inn á lista – ekki hundrað bestu háskóla í heiminum en kannski fimm hundruð…